Lajmi i fundit

TASK FORCE/ Narcos-Xibraka, Olsi Rama në krye të bandës?

Kura që shëroi Donald Trump nga Covid - 19, autorizohet për përdorim në SHBA

Kura që shëroi Donald Trump nga Covid - 19, autorizohet për përdorim në SHBA

11:10, 22/11/2020
A+ Aa A-

Administrata e Ushqimit dhe Barnave e SHBA-së (FDA) ka miratuar të shtunën një autorizim emergjent për përdorimin e koktejit të antitrupave të Regeneron si trajtim për pacientët e infektuar me COVID-19.

Presidenti aktual amerikan, Donald Trump e kishte morrë terapinë e quajtur REGEN-COV2, kur u shtrua në spital pas infektimit me koronavirus. 

Trajtimi duhet të futet në qarkullimin e gjakut dhe ka për qëllim të imitojë një përgjigje imune ndaj infeksionit. Kokteji uli numrin e shtrimeve në spital për Covid-19 tek disa pacientë brenda 28 ditëve të trajtimit, tha FDA në një njoftim për shtyp.

Shefi ekzekutiv i Regeneron, Dr. Leonard S. Schleifer, tha po ashtu se kërkesa fillimisht mund të tejkalojë furnizimin, “duke e bërë edhe më kritike që qeveritë federale dhe shtetërore të sigurojnë që REGEN-COV2 të shpërndahet në mënyrë të drejtë dhe të barabartë për pacientët më në nevojë”

“Kur përdoret për të trajtuar Covid-19 për popullatën e autorizuar, përfitimet e njohura dhe të mundshme të këtyre antitrupave tejkalojnë rreziqet e njohura dhe të mundshme”, tha FDA.

© SYRI.net

Lexo edhe:

Komentet

Shto koment

Denonco