Katër persona u vranë nga një sulm terrorist mbrëmë në Vjenë. Mes tyre është ekzekutuar edhe një nga terroristët. Një tjetër terrorist mendohet se është në arrati.

Ndërkohë, një nga gazetarët e njohur austriakë, Florian Klenk shkruan se ka informacione se njëri nga terroristët ka origjinë shqiptare.

Sipas tij, terroristi quhet Kurtin S., me prindër shqiptarë nga Maqedonia e Veriut. Ai është 20 vjeç dhe është lindur dhe rritur në Austri.

Gazetari shkruan se autori i sulmit ka qenë në shënjestër të shërbimit sekret austriak.

Ai ishte një nga 90 personat që donte të shkonte në Siri.