Qytetarët italianë kanë dalë sërish në rrugë pas orës 18:00, kur u mbyllën me detyrim baret dhe lokalet si pasojë e Covid-19, duke kundërshtuar masat e marra nga qeveria.

Siç shihet dhe në video, qytetarët i kanë vënë flakën shesheve dhe janë përplasur me policinë, pasi ata refuzojnë të zbatojnë rregullat.

Mijëra qytetarë italianë po ashtu vërshuan në sheshet qendrore të qyteteve nga Torino në Katania, për të shprehur pakënaqësitë e tyre.

Janë regjistruar të paktën 4 arrestime në Romë dhe shqetësimi po rritet në të gjithë Italinë.

Protestat filluan në Napoli, ku gjatë përleshjeve të së premtes, pati lëndime të shumta, përplasje me policinë dhe dy të arrestuar.