Lee Kun-Hee, drejtuesi i Samsung Electronics, i cili shndërroi biznesin e vogël të babait në një gjigant global të elektronikës ka ndërruar jetë në moshën78 vjeçare.

Në një deklaratë nga komapnia thuhet se Lee Kun-Hee ka ndërruar jetë në shtëpinë e tij ku I gjendeshin pranë dhe familjarët.

Lee Kun-Hee ishte shtruar në spital që nga maji 2014 pasi pësoi një sulm në zemër, kompania e tij është më e madhja në Korenë e Jugut.

Pasuria e tij arrin shifrën e 16 miliardë dollar sipas revistës Forbes, sipas të thënave nga viti 2017.

Kompania u zgjerua në fushat e ndërtimit të anijeve, hoteleve, fushat e sigurimeve por edhe në krijimin e telefonave Galaxy të cilët rivalizojnë iPhone të Apple dhe telefonat Google Android.

Vetëm Samsung Electronics përbën 20 përqind të kapitalit të tregut në tregun kryesor të aksioneve të Koresë së Jugut.