Rastet e COVID-19 po rriten në shumë rajone të Kandasë, por ka një rajon që virusi nuk ka mbërritur kurrë: Nunavut, territori më verior dhe më i madh në vend dhe një nga zonat më të largëta dhe të populluara rrallë në vend.

Deri më sot në këtë rajon nuk ka pasur asnjë rast pozitiv të koronavirusit.

Siç raporton BBC arsyet për çështjen e numrit zero do të gjenden në masat e miratuara menjëherë nga zyrtarët e Nunavut dhe për izolimin natyror që karakterizon territorin.

Masat e marra në muajin mars- marsin e kaluar ndërsa kufijtë në botë ishin mbyllur, zyrtarët e Nunavut vendosën që edhe të ata të mos rrezikonin. Ata prezantuan disa rregulla të rrepta të udhëtimit në Kanada, duke ndaluar hyrjen pothuajse të gjithëve jorezident. Sidoqoftë banorët e kthyer ishin të detyruar të kalonin dy javë bë hotele të dedikuara- në qytetet Winnipeg, Yellowknife, Ottawa ose Edmonton - të kontrolluar nga rojet para se të kthehen. Deri më tani, pak më shumë se 7,000 nunavummiut kanë kaluar kohë në këto qendra izolimi.

Për më tepër maskat janë të detyrueshme në të gjithë territorin, pavarësisht mungesës së rasteve.

"Vendimi mjaft drastik për të futur këto masa u mor për shkak të cenueshmërisë së mundshme të popullsisë ndaj Covid-19 dhe sfidave unike të rajonit të Arktikut," thotë Dr Michael Patterson , kreu i shëndetit publik në Nunavut. 

Inuitët, në fakt, përbëjnë mbi 80% të popullsisë së territorit.

 Dhe shumë komunitete Inuit - në Nunavut dhe gjetkë - janë potencialisht në rrezik për disa arsye. 

Këto përfshijnë kushte joadekuate dhe të pasigurta të strehimit dhe nivele të larta të mbipopullimit, si dhe probabilitetin e lartë të prekjes nga tuberkulozi.

Izolimi natyror - Afërsisht 36 mijë njerëz që jetojnë në zonë janë të ndarë në 25 komunitete të shpërndara në dy milion kilometra katrorë.

 Distancat janë "ndonjëherë befasuese", pranon Dr. Patterson. 

Izolimi natyror ka të ngjarë të jetë pjesë e arsyes së mungesës së rasteve.

Megjithatë, tani ka pasur një lehtësim të lehtë të masave krahasuar me marsin. Por vëmendja është gjithmonë e lartë. Dr Patterson, për shembull, nuk mendon se Nunavut do të jetë i lirë përherë nga rastet e koronavirusit. "Nuk do të vija bast se do të qëndronte pa Covid për kaq shumë kohë".

Vështirësitë - Izolimi mund të ndihmojë, por gjithashtu mund të krijojë pengesa. Në fakt, shumica e komuniteteve të Nunavut nuk kanë mundësinë për të kryer tampona në nivel lokal. 

Aktualisht po bëhen përpjekje për të përmirësuar situatën e testimit.

Për më tepër, burimet mjekësore në zonë janë të kufizuara. 

Spitali ka 35 shtretër në Iqaluit , në kryeqytet, mund të trajtohen rreth 20 pacientë Covid-19, vlerëson Dr. Patterson. 

Në rast të një shpërthimi, "njerëzit që kanë nevojë për trajtim ose për t'u shtruar në spital do të duhet të transportohen në spitale të tjera".