Zëdhënësi kryesor i qeverisë japoneze tha të martën se vendi do të vendosë kundërmasa të sulmit kibernetik për të siguruar që Lojërat Olimpike të Tokios të jenë të suksesshme.

Britania dhe Shtetet e Bashkuara dënuan sulmet kibernetike që ishin përgatitur nga inteligjenca ushtarake ruse, duke përfshirë edhe përpjekjen për të dëmtuar Lojërat Olimpike të Tokios.

Lojërat Olimpike ishin caktuar këtë vit por u shtynë për shkak të pandemisë së Covid 19.

Kryesekretari i kabinetit Katsunobu Kato tha se Japonia ishte në kontakte të ngushta me SHBA-në dhe Britaninë e Madhe për të zbuluar më shumë rreth sulmit që ishte përgatitur.

Sulmet në Lojërat 2020 janë përpjekjet e fundit në një varg përpjekjesh sulmuese kundër organizatave sportive ndërkombëtare që zyrtarët perëndimorë dhe ekspertët e sigurisë kibernetike thonë se janë orkestruar nga Rusia që kur skandali i saj i dopingut shpërtheu pesë vjet më pare ndërsa Moska ka mohuar vazhdimisht akuzat.