Kjo është një mënyrë për të shkundur votën. Një asteroid mund të godasë Tokën një ditë përpara zgjedhjeve amerikane, raporton Fox News.

Shkencëtari i njohur, Neil deGrasse Tyson thotë se asteroidi është pak a shumë sa një frigorifer në përmasa. Tyson thotë se ky shkëmb hapësinor nuk ka shanse që të shkaktojë dëme.

Ai udhëton me shpejtësi 25 mijë milje në orë dhe mund të futet në atmosferën e Tokës më 2 nëntor.

NASA e ka identifikuar më herët asteroidin 2018VP1 dhe thotë se ka më pak se 1 përqind shanse që të godasë Tokën.

Agjencia hapësinore thotë se edhe nëse futet në atmosferë, do shpërbëhet pasi është shumë i vogël.