Iraku do të mbrojë ndërtesat e misionit të huaj dhe do të sigurojë që vetëm shteti ka armë, u tha Kryeministri Mustafa al-Kadhimi 25 diplomatëve të lartë të mërkurën, pasi Uashingtoni paralajmëroi se mund të mbyllë ambasadën e tij në Bagdad.

Shtetet e Bashkuara kanë bërë përgatitjet për të tërhequr diplomatët nga Iraku, pasi paralajmëruan Bagdadin se mund të mbyllë ambasadën e tyre, thanë dy zyrtarë irakianë dhe dy diplomatë perëndimorë, një hap i cili frikëson irakenët se mund ta kthejnë vendin e tyre në një zonë beteje.

"Iraku është i etur për të zbatuar sundimin e ligjit, monopolin e shtetit për të pasur armë, mbrojtjen e misioneve të huaja dhe ndërtesat diplomatike", tha Kadhimi në një takim të 25 ambasadorëve, sipas zyrës së kryeministrit.  

"Ata që kryejnë sulme ndaj misioneve të huaja po kërkojnë të destabilizojnë Irakun dhe të sabotojnë marrëdhëniet e tij rajonale dhe ndërkombëtare," tha ai.

Raketat fluturojnë rregullisht përtej lumit Tigri drejt kompleksit diplomatik të fortifikuar të SHBA-së.

Në javët e fundit sulmet me raketa pranë ambasadës janë rritur dhe bomba buzë rrugës shënjestruan kolona që mbanin pajisje në koalicionin ushtarak të udhëhequr nga SHBA.

Një sulm buzë rrugës goditi një autokolonë britanike në Bagdad, e para e këtij lloji kundër diplomatëve perëndimorë në Irak për vite me rradhë.

Të hënën tre fëmijë dhe dy gra u vranë kur dy raketa të milicisë goditën një banesën e një familjeje, tha ushtria irakiane. Burimet e policisë thanë se aeroporti i Bagdadit ishte synimi i sulmit.

"Këto sulme nuk synojnë vetëm misionet e huaja, por kanë dëmtuar qytetarë të pafajshëm, përfshirë fëmijët," tha Kadhimi.

Uashingtoni bën përgjegjës për sulme të tilla grupet e milicisë të mbështetura nga Irani. Irani nuk ka komentuar drejtpërdrejt në lidhje me incidentet, por grupet që besohet të jenë të lidhur me milicitë e lidhur me Iranin, kanë marrë përgjegjësinë për disa sulme./ Reuters/