Zviceranët të dielën dhanë mendimin e tyre në një referendum se a duhet të vazhdojë lëvizja e lirë në kufijtë e shtetit, me vendet e unionit.
Në rezultatet preliminare del se kjo nismë e SVP-së, partisë më të madhe në shtetin helvetik, nuk mori votat e nevojshme, që po del të jetë lajm i mirë për vendet si Kosova që presin liberalizimin e vizave.
Sipas iniciatorëve të kësaj nisme, lëvizja e lirë e njerëzve shkakton vetëm probleme dhe imigracioni duhet të kontrollohet pa lirinë e lëvizjes.
Zvicra që është një vend me një popullsi në nivelin e 8.6 milion banorëve parashikohet që gjatë 30 viteve në të ardhmen popullsia të shkojë në gati 10 milionë persona.
Sipas statistikave emigrantët përbëjnë ¼ e popullsisë së Zvicrës
Qytetarët e BE plus Islanda, Norvegjia dhe Lihtenshtajni përbënin 68% të 2.1 milion banorëve të huaj rezidentë të Zvicrës vitin e kaluar. Komunitetet më të mëdha ishin nga Italia, Gjermania dhe Portugalia. Më shumë se 450,000 zviceranë jetojnë në BE.
© SYRI.net