Bota po bëhet më pak tolerante ndaj emigrantëve, sipas një sondazhi të publikuar nga Gallup, ndërsa Europa po kërkonte gjejë një zgjidhje për emigrantët e pa strehë që janë në Greqi.

Shtatë vende evropiane, të udhëhequr nga Maqedonia e Veriut, Hungaria, Serbia dhe Kroacia, kryesuan indeksin Gallup të vendeve më pak të tolerante ndaj emigrantëve në botë.

Kanadaja ishte vendi më mikpritës, i ndjekur nga Islanda dhe Zelanda e Re, sipas indeksit bazuar në më shumë se 140,000 intervista në 145 vende dhe rajone.

Sondazhi I kryer bazohej mbi përgjigjet që njerëzit e anketuar jepnin mbi bazën e pyetjeve nëse ata do të pranonin që emigrantët të bëheshin fqinj të tyre ose nëse do të martoheshin me to.

Rezultatet e indeksit varionin nga 1.49 në Maqedoninë e Veriut në 8.46 në Kanada, pak nën rezultatin maksimal të mundshëm prej 9.

Ekspertja e emigracionit Gallup, Julie Ray tha se rënia e lehtë globale e pranimit - 5.21 në 2019 nga 5.34 në 2016 - ishte nxitur nga ndryshimet e dukshme në vendet e Amerikës Latine.

Rezultati i Perusë ra në 3.61 nga 6.33 në 2016, ndërsa numri i Kolumbianëve që thanë se migrantët që jetonin në vendin e tyre ishte një gjë e mirë ra në 29 përqind nga 61 përqind.

Indeksi i parë i Pranimit të Emigrantëve Gallup u zhvillua në mes të reagimeve pas krizës së vitit 2015 në Evropë kur më shumë se një milion njerëz u drejtuan për në kontinent duke ikur nga lufta dhe varfëria në Lindjen e Mesme dhe më gjerë.

Vendet e BE-së kanë qenë prej kohësh në mosmarrëveshje për mënyrën e trajtimit të fluksit të emigrantëve, shumë prej të cilëve mbërrijnë në vendet e Mesdheut pas udhëtimeve të rrezikshme me anije.

Ekzekutivi i bllokut do të zbulojë një plan të Mërkurën që do të detyrojë ligjërisht të gjithë anëtarët të presin pjesën e tyre të refugjatëve - diçka e refuzuar nga Polonia dhe Hungaria, ndër të tjera

Ray tha se disa njerëz do të befasohen nga qëndrimet pozitive në Shtetet e Bashkuara, ku Presidenti Donald Trump e ka bërë frenimin e imigracionit një gur themeli të politikës së tij.

"Pavarësisht nga fakti që imigracioni është një temë kaq e nxehtë në SH.B.A., amerikanët kryesisht pranojnë shumë emigrantët," tha ajo.

SHBA renditet e gjashta në indeks, menjëherë pas Sierra Leone. Ray tha se mbështetësit e Trump ishin shumë më pranues të emigrantëve sesa mesatarja globale, duke shënuar 7.10.

Në të gjithë botën, indeksi tregoi se pranimi i emigrantëve ishte më i madh midis brezave të rinj, njerëzve me nivele më të larta arsimore dhe atyre që jetonin në zona urbane sesa në zona rurale.