Kryeministri Britanik Boris Johnson ka vendosur që të gjithë personat do të punojnë nga shtëpi dhe do të vendosi masa të reja bllokimi për baret, restorantet dhe lokalet e natës në përpjekje për të vendosur nënë kontroll shpërthimin e koronavirusit.

Ai do të mbajë një fjalim në parlament dhe më pas do ti drejtohet kombit për masat e marra jo shumë larg masave që u aplikuan në mars.

"Ne e dimë që kjo nuk do të jetë e lehtë, por ne duhet të marrim masa të mëtejshme për të kontrolluar ringjalljen në rastet e virusit dhe për të mbrojtur NHS", do të thotë Johnson, sipas disa fragmenteve të shpërndara nga zyra e tij e shtypit në Doëning Street.

Masat urgjente vijnë pasi ekspertët e shëndetit në Britani kanë paralajmëruar se numri I vdekjeve dhe rasteve pozitive do të ngrihet në mënyrë të frikshme Brenda disa javëve nëse nuk ndërmerren masa të shpejta dhe efektive në parandalimin e përhapjes së virusit.

Numri i testimeve po rritet nga dita në ditë në Britani dhe sipas statistikave paralelisht me rritjen e numrit të infektimeve po shtohen edhe personat që kërkojnë trajtim klinik, qeveria i ka bërë thirrje spitaleve që të rrisin kapacitete e shtretërve, ilaçeve dhe bombolave të oksigjenit  në mënyrë që të mos kolapsohet sistemi shëndetësorë.