A është përfundimtar bllokimi i TikTok dhe WeChat?

A është përfundimtar bllokimi i TikTok dhe WeChat?

18:42, 18/09/2020
A+ Aa A-

Lajmi se presidenti amerikan, Donald Trump do të ndalojë rrjetet sociale TikTok dhe WeChat dominoi mediat ndërkombëtare.

Nga e diela, amerikanët nuk do lejohen të shkarkojnë këto dy aplikacione.

Sipas BBC, administrata e Trump thotë se kompanitë kërcënojnë sigurinë kombëtare dhe mund të kalojnë të dhënat e përdoruesve te Kina.

Por Kina dhe të dy kompanitë kanë mohuar diçka të tillë.

BBC raporton se ata që e kanë shkarkuar aplikacionin TikTok do mund ta përdorin deri më 12 nëntor, kur do bllokohet plotësisht. Kurse WeChat do bllokohet plotësisht nga e diela.

Megjithatë, BBC raporton se nuk është e qartë nëse ky vendim do miratohet përfundimisht. Trump pritet ta rishikojë këtë vendim përpara afatit të së dielës.

India i ka ndaluar këto dy rrjete pas përplasjes me Kinën. Kurse Britania e Madhe ka nisur një hetim ndaj tyre.

© SYRI.net

Lexo edhe:

Komentet

Shto koment

Denonco