Bisedimet për paqen vazhdojnë në Katar ndërsa në Afganistan intensifikohen luftimet me Talebanët

Bisedimet për paqen vazhdojnë në Katar ndërsa në Afganistan intensifikohen luftimet me Talebanët

09:03, 18/09/2020

Luftimet midis forcave afgane dhe Talibanëve lanë dhjetëra të vdekur në një provincë lindore ndërsa negociatorët nga të dy palët vazhduan bisedimet e paqes në Katar.

Përleshjet brenda natës shpërthyen në tre rrethe të provincës Nangarhar kur luftëtarët talebanë sulmuan disa pika kontrolli të forcave afgane dhe luftëtarëve pro-qeveritarë, i tha të enjten agjensisë së lajmeve AFP Ataullah Khogyani, zëdhënësi i guvernatorit Nangarhar.

Nga luftimet kanë mbetur të vrarë 11 ushtarë të forcave Afgane në Hesarak, nga forcat pro-qeveritare vdiqën 8 ushtarë në rajonin Khogyani, ndërsa nga talebanët kanë humbur jetën 30 ushtarë, njofton qeveria Afgane.

"Nuk ka pasur sulme nga ana jonë ... Armiqtë vazhdojnë të sulmojnë dhe derdhin gjakun e Afganëve," tha Ministri i Mbrojtjes në detyrë i Afganistanit Asadullah Khalid.

Luftimet e fundit vijnë ndërsa qeveria Afgane dhe Talibanët janë të angazhuar në bisedime në Doha që synojnë t'i japin fund konfliktit të gjatë.

Negociatat janë rezultat i një marrëveshje midis Talibanëve dhe Shteteve të Bashkuara të nënshkruar në shkurt, e cila gjithashtu hapi rrugën për tërheqjen e të gjitha forcave të huaja deri në maj 2021.

Përfaqësuesi Special i SHBA për Afganistanin Zalmay Khalilzad tha se megjithëse bisedimet rritin shpresat e përfundimit të luftës në vend, shumë sfida mbeten.

"Kjo është një fazë e re në diplomacinë për paqen në Afganistan," tha Khalilzad javën e kaluar

© SYRI.net

Lexo edhe:

Komentet

Shto koment

Denonco