Fansat e futbollit në Britani do të duhet të firmosin një rregullore kundër përhapjes së Covid-19, kur të rikthehen në stadium muajin që vjen dhe ajo mund të përfshijë edhe ndalimin e këndimit.
Rregullat e karantinës dhe distancës sociale po zbuten gradualisht në Britani dhe kjo do të thotë se spektatorët do të pranohen sërish në stadium, në kohë për sezonin e ri në Angli dhe Wales.
Por fansat do të duhet të tregojnë përgjegjshmëri duke rënë dakord me sjelljen e lejuar, para se të lejohen brenda.
Ata do të inkurajohen nga mundësia që mund të pranohen, edhe pse në numra të limituar për të ruajtur distancën sociale.
© SYRI.net