Rrezik i ri shpërthimi në Bejrut/ Gjenden 20 kontenierë, njëri në rrjedhje të lirë

Rrezik i ri shpërthimi në Bejrut/ Gjenden 20 kontenierë, njëri në rrjedhje të lirë

18:20, 11/08/2020
A+ Aa A-

Bejruti është në rrezik permanent nga një tjetër shpërthim, pasi ekspertët kimikë dhe zjarrfikësit po punojnë për të siguruar të paktën 20 kontejnerë me kimikate, potencialisht të rrezikshëm në portin e shkatërruar.

Një anëtar i ekipit francez zbuloi se njëri prej kontejnerëve aktualisht është duke rrjedhur.  “Ekspertët kimikë francezë dhe italianë deri më tani kanë identifikuar më shumë se 20 kontejnerë me kimikate të rrezikshme”, tha eksperti francez, Anthony.

“Ne kemi vërejtur kontejnerë me një etiketë të rrezikut kimik dhe më pas kemi parë njërën prej rrjedhjeve të kontejnerëve,” shpjegoi ai për Associated Press.

Ekspertët janë duke punuar me zjarrfikësit libanezë për të siguruar të gjitha kontejnerët dhe për të analizuar përmbajtjen e tyre, ndersa zyrtarët libanezë nuk kanë komentuar mbi rreziqet e mundshme kimike në port.

“Ekzistojnë gjithashtu lëngje të tjera të ndezshme në kontejnerë të tjerë. Ka bateri dhe lloje të tjera të produkteve që mund të rrisin rrezikun e një shpërthimi të mundshëm”, tha Anthony.

Një shpërthim të martën e kaluar vrau të paktën 160 njerëz dhe plagosi rreth 6.000.

Shpërthimi besohet të jetë shkaktuar nga një zjarr që shpërtheu rezervat e pasigurta të 2,750 nitrat amoniumi që kanë qëndruar në port që nga viti 2013, pavarësisht paralajmërimeve të shumta për rrezikun.

Ekspertët kimikë janë pjesë e një ekipi francez që arritën në Liban për të ndihmuar në kërkimin e kufomave të të vdekurve, të kujdesen për të plagosurit dhe të pastrojnë qytetin pas shpërthimit.

Përveç kësaj, 50 oficerë policie francezë janë gjithashtu në Bejrut për të përcaktuar se çfarë ndodhi.

Image

© SYRI.net

Lexo edhe:

Komentet

Shto koment

Denonco