Forcat e Armatosura të Greqisë në gatishmëri të lartë Shefi i Ushtrisë, gjenerali Konstantinos Floros

Forcat e Armatosura të Greqisë në gatishmëri të lartë

08:12, 11/08/2020

Greqia u vu në gatishmëri të hënën pasi Turqia dërgoi anijen e saj mbikqyrëse Oruc Reis në një zonë brenda shelfit grek kontinental, një veprim që Athina e përshkroi si një kërcënim për paqen dhe stabilitetin në rajon.

Sipas një teleteksi navigues që lëshoi, Ankaraja rezervoi një zonë në jug të ishullit grek Kastellorizo për të kryer kërkime shpimi gjatë dy javëve të ardhshme, njoftoi Kathimerini. Si përgjigje, Forcat e Armatosura të Greqisë u vendosën në një gjendje gatishmërie absolute, me njësi të Marinës Greke dhe Forcave Ajrore të vendosura në zonën më të gjerë të detit ku pritej të niste kërkimi turk.

Kur “Oruc Reis” i shoqëruar me anije të Marinës turke hyri në shelfin kontinental grek, anijet luftarake greke dërguan mesazhe në një frekuencë prej rreth 15 minutash duke kërkuar largimin e anijes nga zona. Mesazhet nuk morën përgjigje nga anija e cila, megjithatë, duke lëvizur me një shpejtësi të ulët - të ngjashme me atë një proces kërkimi - kishin përgatitur kabllo për t'u ulur në tabanin e detit, në mënyrë që të vazhdonte me aktivitetet kërkimore në zonë.

Megjithatë, sipas burimeve, aktivitetet eksploruese u bënë të pamundura për shkak të zhurmës së shkaktuar nga shumë njësi detare që lundronin në zonë. Kjo për shkak se eksplorimi i këtij lloji kërkon transmetimin e të dhënave nga shtrati i detit dhe zhurma e anijeve e bëri këtë transmetim të pamundur.

Në Athinë, u mblodh një mbledhje urgjente e organit të lartë vendimmarrës të vendit për çështjet e jashtme dhe çështjet e mbrojtjes, KYSEA. Ministri i Jashtëm Nikos Dendias lëshoi një deklaratë të ashpër duke i bërë thirrje Turqisë të "përfundojë menjëherë veprimet e saj të paligjshme që dëmtojnë paqen dhe sigurinë në rajon."

Ai shtoi se sjellja turke "është një përshkallëzim i ri serioz dhe ekspozon në mënyrën më të qartë rolin destabilizues dhe kërcënues të Turqisë."

"Greqia nuk do të pranojë asnjë shantazh. Ajo do të mbrojë sovranitetin dhe të drejtat e saj sovrane, " tha ai.

© SYRI.net

Lexo edhe:

Komentet

sdfhdfgj11/08/2020 11:30

Ore beteja ku ishte

Shto koment

Denonco