Përleshje pas manipulimit zgjedhor/ A do rrëzohet diktatori i fundit në Europë?

Përleshje pas manipulimit zgjedhor/ A do rrëzohet diktatori i fundit në Europë?

09:15, 10/08/2020

BILD

Ata mbajnë dritat e celularëve ndezur në Minsk dhe i përdorin si pishtarë të lirisë. Natën duke u gdhirë e hëna, në Bjellorusi u regjistruan skena kaotike. Përleshje të përgjakshme në rrugë mes protestuesve dhe forcave të sigurisë.

Shumë qytetarë në mbarë vendin duan të rrëzojnë regjimin e Alexander Lukashenko, 65 vjeç.

A do jetë së shpejti vetëm histori diktatura e fundit në Europë?

Sfondi: kandidatja e opozitës, Svetlana Tichanovskaya, 37 vjeç, nuk e ka pranuar humbjen. Sipas medieve shtetërore, sundimtari ka marrë 80 përqind të votave. “Kjo është shumë larg realitetit,” tha Tichanovskaya, një ish-mësuese dhe tani aktiviste e të drejtave të njeriut.

Dhe në fakt, gjatë natës disa qendra votimi publikuan mesa duket rezultatin e vërtetë. Kudo është e njëjta panoramë: opozita është shumë përpara.

Tichanovskaya ka bërë thirrje për protesta paqësore: vetëm në Minsk në rrugë dolën mbi 100 mijë njerëz, që u përballën me brutalitetin policor. Forcat e sigurisë përdorën topa uji, gaz lotsjellës dhe plumba gome. Ata i dhunuan turmat në mënyrë të përgjakshme. Interneti u bllokua.

Policia i dhunoi me shkopinj gome, por pa sukses. Qytetarët në mbarë vendin po rrezikojnë jetën e tyre për liri dhe demokraci.

Ekspertët thonë se rezultati zgjedhor është i fiksuar- nisur nga kriza e rëndë ekonomike dhe protestat kundër Lukashenkos- të tilla shifra duken të pabesueshme.

Presidenti e ka sunduar këtë republikë ish-sovjetike i vetëm për 26 vite.

Ai ka kërcënuar se do të përdorë ushtrinë për të ruajtur pushtetin. Të dielën gjatë votimeve pati skenë shqetësuese në Bjellorusi. Forcat e sigurisë rrëmbyen anëtarët e opozitës, i futën nëpër kamionë të vegjël dhe u zhdukën me ta.

Synimi i rivales së Lukashenkos është që të fitojë zgjedhjet dhe të lirojë të gjithë të burgosurit politikë. Mes tyre është edhe i shoqi, Sergey, një blogger antiqeveritar.

© SYRI.net

Lexo edhe:

Komentet

Pa emer10/08/2020 11:12

Une nuk me Dom season eshte I fundit.ka dhe ndonje tjeter

Shqiptari10/08/2020 10:11

BILD! MOS U NXITONI ME ETIKETIME! LUKASHENKO NUK ËSHTË DIKTATOTI I FUNDIT NË EVROPË, POR ËSHTË I PARAFUNDIT. DIKTATORI I FUNDIT STALINIST NË EVROPË ËSHTË EDVIN KRISTAQ RAMZIU I SHQIPËRISË!!! PSE NUK SHKON RAMIZIU NË BJELLORUSI, PËR TË PARË SE SI PO MANIPULOHEN VOTIMET ATJE?

Shto koment

Denonco