Rrëzohet avioni plot me drogë, ishte mbingarkuar me kokainë

Rrëzohet avioni plot me drogë, ishte mbingarkuar me kokainë

13:44, 02/08/2020

Policia thotë se një aeroplan i vogël që u rrëzua menjëherë pas ngritjes në Papua Guinea e Re ishte mbingarkuar me kokainë të destinuar për tregun australian.

Sipas BBC, oficerët kanë thënë se “lakmia” e bandës së drogës luajti një rol në rrëzimin e tij.

Besohet se Cessna kishte mbajtur më shumë se 500 kg kokainë me vlerë 57 milionë dollarë amerikanë kur u rrëzua të hënën.

Pesë burra, të gjithë gjoja anëtarët e një sindikate të krimit me seli në Melburn, janë arrestuar.

Në një deklaratë, policia australiane tha se banda kishte qenë nën mbikëqyrje për dy vjet.

Siç bëhet e ditur më tej, aeroplani i lehtë u nis nga Mareeba në Queensland të Veriut të dielën dhe fluturoi në një lartësi të ulët për të shmangur zbulimin e radarit përpara se të zbriste në një aeroport të largët në Papa Lea Lea, në veri të Port Moresby.

Policia thotë se atëherë ishte ngarkuar me drogë për fluturimin e kthimit në Australi.

“AFP (Policia Federale Australiane) pretendon se lakmia luajti një rol të rëndësishëm në aktivitetet e sindikatës dhe nuk mund të përjashtojë që pesha e kokainës kishte një ndikim në aftësinë e aeroplanit për t’u ngritur”, tha policia në një deklaratë.

Piloti – një australian – u dorëzua të martën në Konsullatën Australiane në Papua Guinea e Re, shtoi policia. Ai u arrestua dhe ishte i akuzuar për një vepër të imigracionit.

Ndërsa, siç ka thënë policia, pesë burrat kishin lidhje me krimin e organizuar italian dhe ishin arrestuar në Queensland dhe Victoria menjëherë pasi aeroplani u nis për në Papua Guinea e Re. Nëse dënohen, ata përballen me burgim të përjetshëm.

 

© SYRI.net

Lexo edhe:

Komentet

Shto koment

Denonco