Viktima e parë nga COVID-19/ Kishte 100 ditë pa asnjë rast në shtetin me 97 milionë banorë

Viktima e parë nga COVID-19/ Kishte 100 ditë pa asnjë rast në shtetin me 97 milionë banorë

10:41, 31/07/2020
A+ Aa A-

Media shtetërore në Vietnam konfirmoi se një pacient i infektuar me koronavirus, ka vdèkur. Kjo është víktima e parë e raportuar në këtë vend me 97 milionë banorë.

Vietnami ka pasur sukses në menaxhimin e situatës me koronavirus, pasi ka mbyllur kufijtë dhe ka aplikuar një strategji të karantinës dhe testimit masiv.

Ky vend ka regjisruar vetëm pak qindra raste në mars dhe prill dhe ka kaluar gati 100 ditë pa asnjë rast të ri, edhe pse ka kufi të gjatë me Kinën, vendin e origjinës së koronavirusit.

Por, javën e kaluar, një shpërthim i rasteve në Da Nang, qytet turistik në bregdet, ka shkaktuar alarm, pasi origjina e tyre nuk është identifikuar ende.

Autoritetet po përpiqen ta ndalojnë shpërthimin dhe kanë dërguar personel shtesë mjekësor në Da Nang.

Në kryeqytetin Hanoi është rritur numri i testimeve, ndërsa janë ndaluar tubimet. Në gjithë vendin, numri i rasteve ka arritur në 509. Në aspektin global, ndërkaq, koronavirusi ka prekur mbi 17 milionë njerëz. Prej tyre, mbi 670 mijë kanë vdèkur, ndërsa mbi 10 milionë janë shëruar. /REL

 

© SYRI.net

Lexo edhe:

Komentet

Shto koment

Denonco