Nga Bill Gates te Kanye West, Hakerat vjedhin profilet në Twitter të miliarderëve, ja pse

Nga Bill Gates te Kanye West, Hakerat vjedhin profilet në Twitter të miliarderëve, ja pse

12:31, 16/07/2020
A+ Aa A-

Miliarderët Elon Musk, Jeff Bezos dhe Bill Gates janë në mesin e shumë figurave të njohura të SHBA-ve që janë vënë në shënjestër nga hakerat në Twitter.

Llogaritë zyrtare të tyre, së bashku me ato të ish-presidentit Barack Obama, Joe Biden dhe Kanye West u vodhën dhe në to u bënë disa postime të ngjashme në lidhje me sigurimin e monedhave dixhitale Bitcoin.

Twitter tha se ishte një sulm “i koordinuar” që synonte punonjësit e tij “me qasje në sistemet dhe mjetet e brendshme”.

“Ne e dimë se hakerat kanë përdorur këtë qasje për të marrë kontrollin e shumë llogarive në emër të tyre”, tha kompania në një seri postimesh.

Ajo shtoi se “hapa të rëndësishëm” u morën për të kufizuar qasjen në sisteme dhe mjete të tilla të brendshme, ndërsa hetimi i kompanisë po vijon.

Në rastin e miliarderit të Tesla-s, Elon Musk, në profilin e tij u shfaq një mesazh përmes të cilit kërkohej një shumë e madhe në monedhë dixhitale.

Mesazhi u hoq, por pak më vonë u shfaq një tjetër dhe më pastaj një i tretë. Duket se hakerat kanë arritur të sigurojnë deri tani më shumë se 100 mijë dollarë në monedha digjitale.

 

© SYRI.net

Lexo edhe:

Komentet

Shto koment

Denonco