Nëse Lojërat Olimpike të shtyra në Tokio nuk do të zhvillohen vitin e ardhshëm për shkak të koronavirusit, edhe Lojërat Dimërore të Pekinit 2022 gjithashtu nuk ka gjasa të zhvillohen, tha anëtari i Komitetit Olimpik Ndërkombëtar Dick Pound.

“…Nëse ka një problem me Covid-19 në korrik dhe gusht të vitit të ardhshëm në Tokio, është e vështirë të imagjinohet se nuk do të ketë një efekt pasues në të njëjtën zonë pesë muaj më vonë, ”tha Pound për Reuters në një intervistë telefonike.

Lojërat Verore në Tokio tani janë vendosur të mbahen në korrik - gusht 2021, ndërsa Lojërat Dimërore të Pekinit janë planifikuar për në shkurt 2022.

Sidoqoftë, Komiteti Olimpik Kombëtar tha më herët se ishte "plotësisht i angazhuar" për Lojërat e Tokios dhe kishte përgatitur "skenarë të shumëfishtë" që ato të zhvilloheshin të sigurta.