Vdes një tjetër deputet iranian nga koronavirusi

Vdes një tjetër deputet iranian nga koronavirusi

18:13, 13/07/2020
A+ Aa A-

Sipas raportimeve të mediave vendase, një ligjvënës në Iran vdiq nga koronavirusi.

Që nga shpërthimi i epidemisë në muajin shkurt, Issa Jafari është anëtari i tretë i Parlamentit në Iran që vdes nga sëmundja COVID-19, që e shkakton koronavirusi.

Vdekja e Jafarit, 59 vjeç, u konfirmua më 13 korrik, sipas agjencisë gjysëm-zyrtare të lajmeve ISNA.  

Fatemeh Rahbar, nga Teherani, dhe Mohammad Ali Ramezani, nga provinca Gilan, kanë qenë dy ligjvënësit tjerë që kanë vdekur pas kontraktimit të sëmundjes COVID-19.

Kryetari i Parlamentit iranian, Ali Larijani, ka dalë pozitiv në testin për koronavirus në muajin prill, por ai është shëruar.

Të hënën, Ministria e Shëndetësisë e Iranit njoftoi se numri i përgjithshëm i të infektuarve me koronavirus në këtë vend ka arritur në 259,652 – prej tyre 13,032 kanë vdekur.

Irani është një nga vendet më të goditura nga koronavirusi në botë dhe ka shqetësime se shifrat reale janë shumë më të larta.

Në aspektin global, koronavirusi ka prekur afro 13 milionë njerëz në gjithë botën.

Prej tyre, mbi 569,000 kanë vdekur dhe mbi 7.1 milionë janë shëruar.

 

© SYRI.net

Lexo edhe:

Komentet

Shto koment

Denonco