Këta shkencëtarë vraponin të gjenin ilaçin për Covid-19, por i gjeti virusi ata Stephanie Giordano, studiuesja 25 vjeçare në kompaninë e prodhimit të barnave

Këta shkencëtarë vraponin të gjenin ilaçin për Covid-19, por i gjeti virusi ata

11:42, 10/07/2020

Këtë pranverë, studiuesit në selinë e "Regeneron" në Westchester e gjetën veten në njërën nga vatrat më të nxehta të të koronavirusit në SHBA.

Në janar, kur një virus i ri i frikshëm mbushi spitalet në Wuhan të Kinës, Stephanie Giordano, një studiuese 25-vjeçare në kompaninë prodhuese të barnave “Regeneron”, në periferi të New York City, filloi të punojë për një kurë ndaj kësaj sëmundjeje.

Deri në mars, koronavirusi vdekjeprurës  kishte mbërritur në këtë shtet. Nga frika se mos infektohej në trenin që e çonte çdo ditë në laborator, ajo u zhvendos  nga banesa e saj në East Harlem, në një Airbnb pesë minuta larg nga selia e kompanisë në Tarrytoën, në qarkun Westchester.

Pastaj nëna e saj, një ndihmës infermiere që kujdesej për foshnjat e porsalindura në një spital në Long Island, u riemërua në një repart Covid-19, ku ajo përpiqej për njerëzit e moshuar që  të merrnin frymë. Asnjë ilaç nuk mund t'i ndihmonte këta pacientë - as ajo, nëse do të sëmurej si ata.

Zonja Giordano, anëtarja më e re e ekipit të reagimit të shpejtë të pesë personave të kompanisë për sëmundje infektive, ndihmoi në zhvillimin e asaj që shumë e konsiderojnë një nga trajtimet më premtuese të reja për Covid-19, i cili tani ka infektuar më shumë se 12 milion njerëz në të gjithë botën, dhe vrau më shumë se 549,000.

Ajo ka punuar në laborator deri në 10 netë dhe gjatë fundjavave, duke ekzaminuar mijëra antitrupa - armët e sistemit imunitar që kërkojnë dhe shkatërrojnë viruset - duke kërkuar ata më të fuqishmit, Rezultati ishte një përzierje e dy antitrupave që jo vetëm mund ta kurojnë virusin, por ta parandalojnë atë duke i dhënë trupit të njëjtat mbrojtje natyrore që njerëzit e infektuar me të, e prodhojnë vetë.

Në fund të prillit, kompania ngriti një vend testimi përmes kontrollit në parkingun e saj, dhe tani kërkon që të gjithë punonjësit të testohen të paktën një herë në dy javë.

Zonja Giordano dhe kolegët e saj, duke punuar me orë të gjata, porosisnin ushqime për grupin.

Dhe, një natë vonë, kur po shkonte në shtëpi, duke ngrënë një qese me brokoli të ngrira dhe karrota marrë për darkë, befas u shemb përtokë.

Megjithatë, administrata e Trump këtë javë i dha një nxitje të madhe kurës që po eksperimentohet të Regeneron, duke i dhënë kompanisë 450 milion dollarë për të prodhuar dhe furnizuar sa më shumë me 300,000 doza si kurë ose 1.3 milionë doza për të parandaluar infeksionin.

Pasi trajtimi kaloi një studim fillestar të sigurisë, provat më të gjera të “Regeneron” për të vlerësuar efikasitetin e produktit filluan.

Është e paqartë se cili nga këto projekte do të ketë sukses. Zhvillimi i ilaçeve është jashtëzakonisht i paparashikueshëm: Vetëm javën e kaluar, Regeneron njoftoi se një ilaç më i hershëm antitrup monoclonal për trajtimin e artritit rheumatoid,Kevzara, nuk kishte arritur të ndihmonte pacientët e sëmurë rëndë me Covid-19.

Megjithatë, shkencëtarët dhe investitorët njëlloj po shohin nga afër Regeneron, i cili zhvilloi një trajtim për Ebola me të njëjtën teknologji.

Ai trajtim u testua gjatë shpërthimit më të fundit të Ebolës në Republikën Demokratike të Kongos, e cila filloi në vitin 2018 dhe përfundoi në qershor. Së bashku me një vaksinë të re për Ebola, kura u vlerësua për uljen e vdekshmërisë së shpërthimit.

 

© SYRI.net

Lexo edhe:

Komentet

Shto koment

Denonco