Policia në Indi tha se ka vrarë një burrë të akuzuar për vrasjen e tetë policëve në shtetin verior të Uttar Pradesh.
Vikas Dubey, i cili ishte në arrati për gati një javë pas incidentit, u mbajt në shtetin fqinj Madhya Pradesh të enjten.
Policia tha se ata po e dërgonin atë në Uttar Pradesh kur makina në të cilën ndodhej ai, u përmbys.
Ata e qëlluan kur ai rrëmbeu armën e një polici dhe u përpoq të ikte.
Inspektori i Përgjithshëm i Policisë, Mohit Agarëal, i tha agjencisë së lajmeve PTI se policët qëlluan kundër gangsterit si kundërsulm, sepse ai nuk pranoi të dorëzohej dhe qëlloi ndaj oficerëve.
Policia tha që ai u arrestua me vështirësi në një kompleks tempujsh në Madhya Pradesh.
Por partitë e opozitës thanë që gangster kishte vendosur të dorëzohej publikisht në tempull, pasi I kishte shpëtuar me sukses arrestimin për më shumë se një javë.
Disa burime thanë se ai u kishte thënë rojeve të tempullit të thërrisnin Policinë.
Politikanët e opozitës i kishin kërkuar Policisë që të garantonte se ai do të dërgohej i sigurt para gjykatës, për t’u nxjerrë në gjyq.
Tani, disa përdorues të mediave sociale e kanë vënë në dyshim sjelljen e Policisë lidhur me vdekjen e gangsterit.
© SYRI.net