Një skulpturë druri të çuditshme të Zonjës së Parë të SHBA, Melania Trump, në Slloveni, i është vënë zjarri dhe ajo është hequr nga vendi ku ishte.
Brad Downey, artisti amerikan që porositi statujën, tha se skulptura u vu në shënjestër më 4 korrik, Ditën e Pavarësisë së SHBA.
Artisti që jeton në Berlin bëri që që statuja e djegur të hiqej ditën tjetër.
Policia i tha agjencisë së lajmeve Reuters se kishin filluar një hetim.
Shtëpia e Bardhë nuk iu përgjigj menjëherë një kërkese për koment.
Skulptura e zonjës Trump, e cila mund të përshkruhet vetëm si një përngjasim i papërpunuar me figurën e Zonjës së Parë amerikane, ishte gdhendur në dru në periferi të Sevnica, në vendlindjen e saj në Slloveni.
Statuja, e cila përshkruan zonjën Trump të veshur me një pallto blu të ngjashme me atë që kishte veshur ditën kur i shoqi hipi në postin e Presidentit të SHBA-së, pati lloj lloj komentesh kur u ngrit në korrik 2019.
Disa banorë e quajtën statujën një "turp", duke u ankuar se ajo ngjante më shumë si personazhi Smurfette tek filmi vizatimor Smurfs sesa si Zonja e Parë.
© SYRI.net