Pasi kriza në Hong Kong shkaktoi një reagim kundër qeverisë kineze në Evropë, Kancelarja Merkel është nën presion në rritje për lidhjet e Gjermanisë me Pekinin.

Këtë javë, përfaqësues nga i gjithë spektri politik në Gjermani, akuzuan Merkelin se ishte “shumë e butë” ndaj Kinës, pasi ministria e jashtme e Gjermanisë paralajmëroi shtetasit gjermanë në Hong Kong të mos shkruajnë komente që mund të perceptohen se janë kundër Kinës, sepse ata mund të arrestohen.

“Ajo që qeveria gjermane tha për Hong Kongun ishte minimumi absolut, thjesht nuk ishte e mjaftueshme,” tha Norbert Röttgen, një anëtar i partisë së Unionit Kristian Demokratik të Merkel dhe kreu i komitetit për çështje të jashtme të parlamentit gjerman, për Financial Times.

Kancelaarja Merkel ka mbrojtur prej kohësh forcimin e lidhjeve diplomatike dhe ekonomike me Pekinin, i cili është partneri më i madh tregtar i Gjermanisë.

Javën e kaluar, Merkel tha se “do të vazhdojë të kërkojë dialog dhe bisedë” me Kinën dhe këmbënguli që lidhjet me vendin kanë “rëndësi strategjike” për Bashkimin Evropian.

“Politika për Kinën është e prapambetur”, tha Nils Schmid, zëdhënësi i politikës së jashtme i Social Demokratëve, partneri i ri në qeverinë e koalicionit të Merkel, sipas raportit të Financial Times.