Një profesor kinez që ka fituar famë të keqe për të qenë një nga kritikët e paktë të hapur të Presidentit Xi Jinping dhe Partisë Komuniste, u mor nga shtëpia e tij të hënën, me atë që thonë miqtë dhe familja e tij, se janë akuza të stisura.

Xu Zhangrun, profesor i drejtësisë në Universitetin Tsinghua, u vu nën arrest shtëpiak në fillim të këtij viti për shkrimin e një artikulli që kritikonte Xi dhe administratën e tij për trajtimin e tyre të pandemisë koronavirus, raporton FoxNews.

Disa nga miqtë e tij i thanë BBC-së se rreth 20 oficerë policie u shfaqën në shtëpinë e tij herët të hënën, duke kapur kompjuterin dhe letrat e tij para se ta largonin.

"Ai mbante një qese me rroba dhe një furçë dhëmbësh të varur në derën e tij të përparme në mënyrë që të ishte gati për këtë," i tha një mik i Xu, Geng Xiaonan, për New York Times.

Një mik tjetër i tha AFP-së se gruaja e Xu kishte marrë një telefonatë nga dikush që tha se Xu akuzohej për kërkesë prostitucioni, një pretendim që shoku e hodhi poshtë si "qesharake".

Xu më parë ngjalli zemërimin e zyrtarëve të partisë në 2018, kur ai publikoi një ese që denoncoi politikat gjithnjë e më autoritare të Xi.

"Njerëzit në mbarë vendin, përfshirë tërë elitën burokratike, ndjehen edhe një herë të humbur në pasiguri në lidhje me drejtimin e vendit dhe për sigurinë e tyre personale," shkroi Xu në ese.

Arrestimi i profesorit vjen në mes të një goditjeje më të gjerë nga Partia Komuniste Kineze për kundërshtarët.

Muajin e kaluar, legjislatura e vendit miratoi një projekt-ligj të sigurimit kombëtar për Hong Kong, që kritikët thonë se rrezikojnë qëndrimin gjysmë-autonom të territorit.