Polonia ka pranuar se ka 'pushtuar' aksidentalisht Republikën Çeke muajin e kaluar, por këmbëngul se okupimi i shkurtër i një pjese të vendit ishte vetëm një 'keqkuptim'.
Ushtarët polakë kaluan gabimisht kufirin me Republikën Çeke në fund të majit dhe më pas ngritën kampin aty, tregoi Ministria e Jashtme çeke për CNN.
Ushtarët, të cilët kishin qënë duke ruajtur pjesë të mbyllura të kufirit çeko-polak gjatë pandemisë, filluan të mos lejonin qytetarët çekë të hynin në një kishë në vendin e tyre.
Ambasada Çeke në Varshavë lajmëroi menjëherë Poloninë dhe e nxiti të merrte një veprim të shpejtë për situatën.
"Fqinjët tanë polakë na siguruan në mënyrë jozyrtare se ishte vetëm një incident i shkaktuar nga pakujdesia. Ende po presim për një deklaratë formale. Ushtarët polakë nuk janë më prezentë dhe qytetarët tanë mund ta vizitojnë qytetin lirisht," u shpreh një përfaqësues i Ministrisë së Jashtme për CNN.
© SYRI.net