Një valë e re e infeksioneve të koronavirusit u shfaq të enjten në Korenë e Jugut, ndërsa Kina raportoi vetëm një rast të ri.

Sipas Qendrave Koreane për Kontrollin dhe Parandalimin e Sëmundjeve, 39 persona të tjerë testuan pozitivë për COVID-19 gjatë 24 orëve të fundit. Shumica e rasteve ishin në kryeqytetin Seul, ku kohët e fundit ka pasur një rritje të vazhdueshme të infeksioneve të lidhura me grumbullimet në kisha.

Numri i përgjithshëm që nga çështja e parë e shfaqur në këtë shtet në 25 janar tani është 11.629, përfshirë 273 vdekje.

Në Kinë, ku virusi filloi dhjetorin e kaluar, vetëm një rast i ri me COVID-19 u konfirmua gjatë 24 orëve të fundit. Komisioni Kombëtar i Shëndetit tha që një person i cili kohët e fundit u kthye nga jashtë doli pozitiv në territorin e Kinës. Kurse vdekje të lidhura me koronavirusin nuk pati.

Numri i përgjithshëm i raste në Kinë deri më tani arrin në 84.160, përfshirë 4,638 vdekje dhe 79.494 shërime, sipas të dhënave të përpiluara nga Universiteti Johns Hopkins i SH.B.A.-së.

Pandemia e koronavirusit ka vrarë më shumë se 386,000 njerëz në të gjithë botën, me infeksione në 188 vende dhe rajone që arrijnë mbi 6.5 milionë, ndërsa rreth 2.8 milionë njerëz janë shëruar.