Vdekja e George Floyd/ Ngrihen akuza të reja për të katër oficerët e pushuar nga puna

Vdekja e George Floyd/ Ngrihen akuza të reja për të katër oficerët e pushuar nga puna

22:09, 03/06/2020

Janë njoftuar akuza të reja kundër të gjithë oficerëve të pushuar nga policia, të pranishëm në vdekjen e afrikano-amerikan George Floyd në Minneapolis.

Akuza ndaj Derek Chauvin është ngritur në vrasje të shkallës së dytë, tregojnë dokumentet e gjykatës, raporton BBC.

Tre oficerët e tjerë përballen me akuza të ndihmës dhe bashkëfajësinë në krim, shkruajnë dokumentet.

Vdekja e Floyd-it ka ngjallur protesta të mëdha në të gjithë SHBA kundër racizmit dhe vrasjeve policore të amerikanëve të zinj.

Pjesa më e madhe e demonstratave gjatë tetë ditëve të fundit kanë qenë paqësore, por disa janë kthyer në të dhunshme.

Derek Chauvin fillimisht ishte përballur me akuza për vrasje të shkallës së tretë dhe vrasje. Këto do të qëndrojnë në fletën e tij të ngarkimit.

Senatori i Minesotës, Amy Klobuchar tha në Twitter se akuzat e fundit ishin "një hap tjetër i rëndësishëm për drejtësinë".

 

 

Por avokati i familjes Floyd Benjamin Crump i tha CNN se ata besojnë se akuza ndaj Derek Chauvin duhet të jetë vrasje e shkallës së parë.

Ai tha se familjes i ishte thënë që hetimi po vazhdonte dhe akuzat mund të ndryshonin më tej.

Vrasja e shkallës së parë dhe të dytë sipas ligjit të Minesota kërkojnë prova që i pandehuri kishte për qëllim të vriste.

Shkalla e parë në shumicën e rasteve kërkon paramendim, shkalla e dytë përkon më shumë në lidhje me krimet e pasionit. 

Vrasja e shkallës së dytë ka një dënim me burg maksimal prej 40 vjet. 

© SYRI.net

Lexo edhe:

Komentet

Shto koment

Denonco