Beirut - Në një treg rruge në Beirutin jugor, turma libanezësh mblidhen rreth vullnetarëve që shpërndajnë racione buke dhe makaronash falas,  një shpëtim për familjet e zhytura në krizë financiare.

"Njerëzit nuk mund të blejnë më mish ose peshk. Pula po bëhet më e shtrenjtë. Ata mund të përballojnë vetëm perime dhe bukë, "tha Salva Hable, një organizator që ndihmon në shpërndarjen e ushqimit të dhuruar privatisht.

Kriza ekonomike e Libanit ka sjellë vështirësi të mëdha për afro 6 milionë banorët. Çmimet janë rritur, rezultat i një krizë që ka fundosur monedhën vendase që nga tetori dhe fuqinë blerëse.

"Së shpejti do të shndërrohet në protestat e urisë," tha Hable.

Kushtet e përkeqësuara kanë paralajmëruar për trazira më serioze. Muajin e kaluar protestuesit që kundërshtuan shtetrrethimin prej koronavirusit u rebeluan, duke djegur bankat dhe duke lënë të vdekur një demonstrues.

Kryeministri Hassan Diab tha javën e kaluar goditja e dyfishtë financiare dhe e pandemisë së koronavirusit mund të përfshijë Libanin drejt një krize të plotë ushqimore .

Njerëzit janë duke ngrënë më pak, kasapët që ankohen për tkurrje të shitjeve, restorante bosh dhe familje që gatuajnë thjesht - madje edhe gjatë muajit të shenjtë të Ramazanit.

“Ne ndalëm së bleri fruta për veten tonë. Blejmë diçka të vogël për vajzën, ja kaq "tha George Ortass, 46 vjeç, një shofer taksie.