Asambleja Kombëtare Popullore e Kinës, e cila u mblodh javën e kaluar në Pekin, është ngjarja më e madhe politike në Kinë. Ajo u vonua këtë vit për shkak të pandemisë dhe gazetarët që mbuluan këtë aktivitet - siç tregohet edhe në këtë fotografi - duhet të testoheshin për Covid-19 para se të hynin.

Sipas medias shtetërore kineze, Kina nuk ka përcaktuar një objektiv të veçantë të rritjes ekonomike për këtë vit.

Në raportin e punës së qeverisë, të paraqitur në Asamblenë Kombëtare Popullore për diskutim të premten, thuhet se vendimi është marrë pasi vendi do të përballet me disa faktorë që është e vështirë të parashikohen, për shkak të pasigurisë në lidhje me pandeminë e COVID-19 dhe mjedisin ekonomik dhe tregtar botëror.