Uashington - Presidenti amerikan Donald Trump tha të dielën se ai tani beson që rreth 100,000 amerikanë mund të vdesin në pandeminë e koronavirusit, pasi numri i vdekjeve i kaloi vlerësimet e tij të mëparshme, por tha se ai ishte i sigurt se një vaksinë do të zhvillohej deri në fund të vitit .
Trump alternoi gjatë një interviste dyorëshe të transmetuar nga Fox Neës, parashikimin e një rikuperimi të shpejtë për ekonominë e SHBA dhe hedhjen e fajit për përhapjen e pandemisë mbi Kinën, nga ku sëmundja besohet se e ka origjinën.
Sëmundja COVID-19, e shkaktuar nga koronavirusi i ri, ka sëmurë më shumë se 1.1 milionë persona në Shtetet e Bashkuara dhe ka vrarë më shumë se 67,000 amerikanë, duke mbyllur shoqërinë, përfshirë shumicën e shkollave dhe bizneseve/
"Ne do të humbasim diku nga 75,80 deri në 100,000 njerëz. Kjo është një gjë e tmerrshme, "tha Trump, i cili pak kohë më parë të premten kishte thënë se shpresonte që më pak se 100,000 amerikanë do të vdisnin.
Rreth gjysma e shteteve tani janë duke bërë heqjen e pjesshme të kufizimeve pasi numri i rasteve të reja të sëmundjes COVID-19 ka filluar të bjerë ose të nivelohet.© SYRI.net