Në Greqi, ndërsa lehtësimi i masave të bllokimit fillon të hënën me hapjen e dyqaneve të vogla me pakicë dhe parukierëve si edhe lëvizjen e lirë të njerëzve brenda prefekturës së vendbanimit të tyre të përhershëm, qeveria tani po shqyrton nëse do të përshpejtojë procesin për sektorët e tjerë.

Përveç kthimit të nxënësve të shkollave të mesme më 11 maj, hapat e ardhshëm që janë paralajmëruar - kryesisht lëvizja e lirë në të gjithë vendin dhe në ishujt – ka mbetur në pritje, pasi gjithçka do të varet nga zhvillimet me koronavirusin dhe sugjerimet e ekspertëve.

Ajo që dihet deri më tani është se më 18 maj, qeveria planifikon të lejojë lëvizjen e lirë në kontinent. Në praktikë, kjo do të thotë që të gjithë do të jenë në gjendje të shkojnë kudo që duan.

Sidoqoftë, e njëjta gjë nuk do të zbatohet për ishuj. Për momentin, plani përcakton që lëvizja e lirë në ishuj do të lejohet që nga 1 qershori dhe do të shoqërohet me hapjen e restoranteve, kafeneve dhe hoteleve që punojnë gjatë gjithë vitit.

Nëse gjithçka shkon mire, lëvizja e lirë në ishuj dhe hapja e kafeneve, restoranteve dhe hoteleve të gjatë gjithë vitit do të ndodhë një javë më parë, më 25 maj.

Nëse kjo ndodh, atëherë orari i qershorit mund të ndryshojë duke lejuar që edhe masat e tjera të hiqen edhe më herët. Për shembull, hotelet sezonale që janë planifikuar të hapen në fillim të korrikut, mund të hapen në mes të qershorit.

 Në të njëjtën kohë, një çështje madhore janë shkollat ??fillore, e cila ka qenë një nga pikat kryesore e përplasjes midis qeverisë dhe opozitës. Sipas burimeve, ka shumë të ngjarë që shkollat ??fillore të mos hapen.

Sidoqoftë, të gjitha sa më sipër, janë ashtu siç ka thënë në mënyrë të qartë kryeministri Kyriakos Mitsotakis. Askush nuk mund të parashikojë saktësisht se cilat do të jenë hapat e ardhshëm, pasi gjithçka varet nga virusi.

Çfarë është e sigurt, megjithatë, është se qeveria ka qenë nën presion nga grupe të ndryshme të profesioneve për të arritur një ekuilibër delikat midis shëndetit publik dhe rifillimit të ekonomisë. Megjithë qëllimin e kryeministrit për të lehtësuar ekonominë, është po aq e sigurt se kryeministri grek nuk do të rrezikojë shëndetin publik dhe atë që është arritur.