94 mjekë kanë qënë viktima të koronavirusit në Itali, njoftoi shoqata e doktorëve ditën e sotme.
26 infermiere kanë vdekur gjithashtu pas infektimit me koronavirus dhe 6549 janë infektuar në total.
Që nga e hëna, numri total i punonjësve të shëndetit që janë infektuar nga virusi është 12,681, sipas institutit italian të shëndetit.
Ky numër kaq i lartë besohet të jetë dhe për shkak të mungesës së pajisjeve mbrojtëse që e ka bërë infektimin me virus shumë më të mundshëm në spitale.
Spitalet italiane pothuajse pësuan një kolaps për shkak të numrit të lartë të pacientëve me koronavirus, pasi nuk kishte mjaftueshëm mjete dhe staf.