Spanja ka regjistruar numrin e dytë më të lartë të rasteve të koronavirusit, si dhe vdekjeve në botë, sipas  shifrave të reja.  

Gjatë 24 orëve të kaluara, 809 njerëz kanë vdekur nga sëmundja, nga 932 një ditë më parë, tregojnë të dhënat, raporton FoxNews.  

Numri i përgjithshëm i të infektuarve është rritur në 124.736, duke kapërcyer Italinë si kombin më të infektuar në Evropë, duke u radhitur në vendin e dytë pas Shteteve të Bashkuara.  

Spanja gjithashtu bashkohet me Italinë si i vetmi komb që regjistroi një numër vdekjesh prej pesë shifrash, duke numëruar 11.744 vdekje.  

Në fillim të kësaj jave, Spanja pati numrin e saj më të lartë të vdekjeve brenda ditës, me 950 vdekje, por që nga atëherë numri është zvogëluar.  

Italia, e cila është kombi i vetëm në botë me një shkallë më të lartë të vdekjes sesa Spanja, ka arritur të shohë disa shenja se duket se po rrafshon kurbën e saj, duke siguruar disa shenja shprese.  

Por është shumë shpejt të thuhet nëse Spanja ka arritur apo jo të kontrollojë situatën e saj.