Lajmi i fundit

LIVE/ Partia Demokratike, aktivitet për 15-vjetorin e anëtaresimit të Shqiperisë në NATO

Mësoni cili vend në botë nuk ka të regjistruar asnjë rast me koronavirus

Mësoni cili vend në botë nuk ka të regjistruar asnjë rast me koronavirus

15:44, 31/03/2020
A+ Aa A-

COVID-19 ka prekur më shumë se 780 mijë njerëz në mbarë botën duke ua marrë jetën edhe mijëra tjerëve. Por ende ekzistojnë disa vende të largëta, në të cilat virusi nuk ka infektuar as edhe një person.

Një vend i tillë është ishulli Palau, në pjesën veriore të Oqeanit Paqësor. Ka një popullsi prej 18 mijë banorëve, por deri më tani asnjë person nuk ka rezultuar pozitiv në testin e COVID-19.

Kjo “pikë” në oqean është qindra milje larg fqinjëve të saj më të afërt. Palau rrethohet nga Oqeani Paqësor, duke vepruar kështu si një tampon kundër virusit.

Por largësia jo domosdoshmërish ndalon përhapjen e virusit vdekjeprurës. Ishujt Mariana (në veri të Palaus) ka konfirmuar rastin e parë gjatë vikendit, ku më pas ka pësuar një rast tjetër më vdekje.

“Frikën dhe panikun mund ta ndjeni kur jeni duke pritur për të blerë artikuj të ndryshëm”, ka deklaruar për agjencinë AFP, artisti 28-vjeç Klamiokl Tulop.

Ekspertët shpresojnë që Palau do të mund të shmang fatin e Ëuhanit, Nju Jorkut apo Madridit. Në Palau kishte mbretëruar një atmosferë e tensionuar në fillim të këtij viti, kur një person konsideroj si i prekur me coronavirus duke e futur në karantinë, e autoritetet e vendit pasi kanë marrë rezultatet janë bindur se kanë rezultuar negative.

Megjithatë frika e madhe se dikush do të preket nga coronavirusi ka bërë që ekonomia e ishullit të paralizohet. Nëpër raftet e marketeve në qytetin më të madh Koror shihen radhë të gjatë të klientëve – aty mungojnë shumë artikujt ushqimorë, maska mbrojtëse dhe alkool si dhe dezinfektues të duarve.

Ishulli është shumë i varur nga mallrat që importohen, që do të thotë se rezervat mund të tkurren shumë shpejtë.

United Airlines deri më tani ka realizuar nga gjashtë fluturime në javë nga Guam – ku janë regjistruar më shumë se 50 raste me coronavirus – por nga java e ardhshme do të jetë vetëm një fluturim.

Shumica e banorëve të ishullit varen nga turizmi, e nga frika se mund të përhapet coronavirusi nuk po ka turistë dhe kështu po rrezikohen të mbesin pa asnjë qindarkë në xhep.

Banorët e kanë kuptuar seriozisht coronavirusit, duke mbajtur distancën sociale, e mjekët po presin nga Tajvani që të furnizohen me teste në rast se raportohet për ndonjë rast. Autoritetet e vendit tashmë kanë ndërtuar pesë dhoma të veçanta, në të cilat mund të shtrihen deri në 14 pacientë të mundshëm.

E kontinenti i vetëm pa prezencën e virusit është Antarktiku. Një grup shkencëtarësh që gjenden atje, thonë se janë shumë të sigurt por pranuan se e kalojnë ditën duke menduar se çfarë po ndodh me më të dashurit e tyre që i kanë lënë nëpër shtëpi.

© SYRI.net

Lexo edhe:

Komentet

Shto koment

Denonco