Shkencëtarët: Edhe një javë për pikun, në fund të prillit nis rënia

Shkencëtarët: Edhe një javë për pikun, në fund të prillit nis rënia

10:22, 29/03/2020

Në Itali po presin për pikun e epidemisë së koronavirusit- fazën më të keqe të infeksionit.

Virologu Fabrizio Pregliasco tha për Corriere della Sera se piku mund të ndodhë brenda një jave.

Duke folur për gazetën, ai tha se piku ndodh kur shënohet maksimumi i rasteve të reja në një ditë.

Shenjat e para janë pozitive, pasi numri i infeksioneve të reja nuk po rritet në mënyrë të ndjeshme.

Virologu thotë se me kufizimet e vendosura, Italia ia ka dalë që të kthejë malin në kodër.

Në ditët në vazhdim do të pritet të shihet më shumë. Ekspertët thonë se më shumë se piku, e rëndësishme është që kurba të nisë të rrafshohet, me fjalë të tjera të mos ngrihet më.

Po kur mund të nisë rënia? Virologu parashikon që kjo gjë të ndodhë nga fundi i muajit prill.

Më herët, një tjetër epidemiolog italian tha për Corriere se në fund të majit mund të ketë ndoshta zerim të rasteve.

Ndërkohë, sikundër dihet, ajo që po ndodh tani me shifrat është një fotografim i asaj që ka ndodhur me infeksionet një javë më parë.

Për këtë arsye, virologu Pregliasco thotë se numri i viktimave do të vazhdojë të jetë i lartë edhe për disa ditë.

© SYRI.net

Lexo edhe:

Komentet

Shto koment

Denonco