Edhe në Gjermani ka nisur të ndjehet shqetësimi për pasojat e krizës së koronavirusit në ekonomi dhe shoqëri.

Drejtuesi i një landi deklaroi para dy ditësh se vendi duhet të hapet për Pashkë, që sivjet kremtohen më 12 prill.

Kurse shefi i kabinetit të Angela Merkel tha se ka një opsion tjetër. Sipas tij, fillimisht do të dalin në rrugë të rinjtë.

Helge Braun tha se kjo do të bëhet për të mbrojtur të moshuarit, që janë më vulnerabël ndaj sëmundjes.

Gjermania është një nga vendet që po bëhet shembull në menaxhimin e krizës për shkak të sistemit të mirë shëndetësor dhe aftësisë për të gjurmuar rastet.