Ka gati 4,000 punonjës shëndetësorë të infektuar me koronavirusin në Spanjë, më shumë se një në dhjetë raste totale të konfirmuara, thanë zyrtarët të hënën, ndërsa numri i të infektuarve u rrit, duke zënë vendin e dytë me më shumë të prekur në Evropë.

Ashtu si në vendet e tjera të goditura fort nga virusi, infermierët, mjekët dhe punonjësit e tjerë të shëndetit, kanë thënë se nuk po marrin mjete të mjaftueshme mbrojtëse, raporton Reuters.

Autoritetet dhe kompanitë po përpiqen të prodhojnë, blejnë dhe shpërndajnë më shumë prej tyre.

"Ne kemi disa të dhëna që nuk na pëlqejnë sepse duhet të përpiqemi t'i kontrollojmë, siç janë 3,910 punëtorë shëndetësorë të prekur," tha shefi i urgjencës shëndetësore Fernando Simon për një konferencë për shtyp.

Numri i rasteve të regjistruara në Spanjë u rrit në 33.089 nga 28.572 raste që ishte të dielën.

Kjo do të thotë që punëtorët shëndetësorë përbëjnë gati 12% të totalit.

Ata dhe stafi i shtëpisë së pleqve do të kenë përparësi pasi Spanja po hap një program testimi.

Numri i vdekjeve nga koronavirusi ka arritur në 2,182, duke shtuar 462 vdekje brenda natës, tha Ministria e Shëndetësisë. Simon tha që 87% e atyre që kishin vdekur ishin të moshës 70 vjeç ose më të vjetër.

Zëvendëskryeministri Carmen Calvo u shtrua në spital të dielën me probleme të frymëmarrjes dhe po pret rezultatet e testit të koronavirusit, tha qeveria të hënën. Rezultatet për Calvo, të lindur në 1957, do të publikohen menjëherë sapo të dalin, thuhet në deklaratë.

Dy ministra të tjerë dhe gruaja e kryeministrit Pedro Sanchez gjithashtu kanë rezultuar pozitiv me koronavirus gjatë javëve të kaluara.

Me një zgjatje të një bllokimi mbarëkombëtar të vendosur dri në 11 Prill, pritet për t'u miratuar nga parlamenti të mërkurën, ku Simon tha se tani nuk ishte koha që njerëzit të pushojnë duke respektuar rregullat që ndalojnë çdokush të largohet nga shtëpia e tij, përveç që të shkojë në punë, të blejë ushqim ose të shkojë në farmaci.

“Në disa raste është thënë se ‘piku’ i epidemisë mund të arrihet këtë javë. Arritja e pikut nuk përfshin kontrollimin e problemit, por do të thotë që ju duhet të dyfishoni përpjekjet tuaja për të mos bërë një hap prapa, "tha Simon.

Grupi i supermarketeve Corte Ingles tha se kishte vendosur një numër telefoni dhe email për punonjësit e shëndetit për të bërë pazar, me shpërndarje falas në shtëpitë e tyre.