Virusi që ka pushtuar botën, duket qartë se nuk po bën asnjë dallim për sa i përket pasurisë, pozitës dhe pushtetit që mund të kesh. Listës së emrave të njohur në botë ju është shtuar së fundmi edhe ministri i Shtetit të Monakos, Serge Telle, i cili rezultoi pozitiv me koronavirus.

Mediat njoftojnë se ai është vetizoluar dhe po punon nga shtëpia. Qeveria në Monako deklaroi se të gjitha takimet e zyrtarëve të lartë në vendin e vogël do të mbahen përmes video-konferencave për të parandaluar përhapjen e COVID-19. Monako regjistroi 6 raste me koronavirus, por pa asnjë të vdekur.