Zara Filips, mbesa e mbretëreshës së Anglisë, dhe i shoqi kanë vendosur të mos izolohen, pavarësisht se u kthyen vetëm javën e kaluar nga pushimet në Italinë e Veriut.
Çifti mbretëror zgjodhën të mos vendosen në karantinë, duke qënë se nuk shfaqin asnjë simptomë.
Ata janë kthyer nga një udhëtim për ski në Bormio, Lombardi.
Një përfaqësues i tyre u shpreh se ata po ndiqnin këshillat zyrtare për shëndetin të dhëna nga qeveria, por nuk do të vetë-izolohen për shkak se nuk shfaqin simptoma.
Vendimi i tyre vjen pasi shkolla që ndjekin princ Xhorxh dhe princeshë Sharlota ka dërguar 4 nxënës në shtëpi, për të nisur karantinën.
Kjo pasi fëmijët kishin qënë në një ekskusrion për në Italinë e Veriut. Por nuk ka asnjë të dhënë që fëmijët e kurorës të jenë të infektuar.
Shumë shkolla në Mbretërinë e Bashkuar tashmë janë mbyllur nga frika e koronavirusit.
© SYRI.net