Numri i të prekurve nga koronavirusi në Itali shkon në 132. Vetëm në rajonin e Lombardisë janë 89 të prekur nga virusi. 11 komuna janë të izoluara, kurse në karantinë janë 50 mijë persona.

Virusi ka prekur edhe Venecian, ku janë konfirmuar dy raste. Kjo vë në rrezik organizimin e karnavaleve të famshme.

Kurse Milano ka marrë vendimin për të mbyllur shkollat për një javë. Po ashtu janë ndaluar edhe ekskursionet shkollore.

Ndërkohë në fotot që kanë mbërritur në redaksinë e Syri.net shikohet boshatisja e rrugëve në Milano. Pamje të frikshme për një qytet që nuk pushon as ditën edhe as natën.