Lajmi i fundit

Qëllohet me armë drejt makinës së një avokati në Memaliaj

Kina njofton një rënie drastike të të infektuarve të rinj

Kina njofton një rënie drastike të të infektuarve të rinj

08:10, 20/02/2020
A+ Aa A-

Pekin – Kina njoftoi të enjten, numrin më të ulët të rasteve të konfirmuara me koronavirusin e ri, regjistruar që nga fundi i janarit, rezultat ky pjesërisht i ndryshimit në kriteret e diagnostikimit të pacientëve në provincën Hubei, epiqendrën e shpërthimit.

Kina pati 394 raste të reja të konfirmuara të mërkurën, një rënie drastike kjo në krahasim me 1749 raste të një dite më parë dhe më e ulëta që nga 23 janari, njofton Reuters.

Kjo e çon në total numrin e rasteve konfirmuara në territorin e Kinës në 74 576.

Se si diagnostikohen njerëzit, kjo ka pasur një debat të madh dhe ndryshimi i metodës ka ngritur pikëpyetje lidhur me faktin se cila situatë e përcaktonte më saktë gjendjen e shpërthimit të virusit.

Fillimisht, autoritetet përdorën teste të acidit nukleik për të zbuluar praninë e virusit, por këto teste kërkonin kohë të analizoheshin.

Kështu që javën e fundi, Hubei prezantoi një metodë të re, më të shpejtë diagnostikimi, me anë të skanerëve të kompjuterizuar të tomografisë, që përdorin rreze X për të zbuluar infeksione në mushkri dhe zbuluar praninë e virusit.

Kjo çoi në një shifër të 15 mijë rasteve të reja me virusin e koronavirusit në 12 shkurt dhe ngjalli frikën e pabazuar se virusi po shpërndahej me shumë shpejtësi.

Por të mërkurën, Qëndra Shëndetësore Kombëtare tha se e kishte hequr atë kategori të  rasteve “të diagnostikuara klinikisht” nga kriteret e saj për rastet “e konfirmuara”, që do të thotë se 279 të infektuar i zbriteshin numrit total.

Komisioni tha se testi i acidit nukleik nuk ishte metodë e preferuar diagnostikimi.

Si rezultat, Hubei, që ka numrin më të madh të të infektuarve në Kinë, pati një rënie të ndjeshme të rasteve të konfirmuara, siç konfirmohet nga të dhënat e shpallura të enjten, me 349 të infektuar të rinj.

Për Hubei, edhe nëse autoritetet i fusnin në listë këto 279 raste që u zbritën, përsëri numri i të infektuarve të rinj të mërkurën mbetet gati 1000 (njëmijë) më pak se një ditë më parë./ar.sh/SYRI.NET

© SYRI.net

Lexo edhe:

Komentet

Shto koment

Denonco