Kryeministri Kanadez Justin Trudeau anuloi një udhëtim të planifikuar për të dielën në Karaibe, mes reagimeve të ashpra në lidhje me trajtimin e bllokadave të mëdha të qeverisë së tij përgjatë hekurudhave, nëpër British Columbia dhe pjesë të tjera të vendit, në përgjigje të një projekti mbi tubacionet me një vlerë prej 5 miliardë dollarësh.
Dhjetëra mijëra pasagjerë u detyruan të anulojnë udhëtimet e tyre nëpërmjet hekurudhave nëpër Kanada javën e kaluar, pasi grupet autoktonë dhe aktivistët e mjedisit, bllokuan dhe vendosën barriera përgjatë vijave kryesore të hekurudhës në të gjithë vendin, raporton FoxNews.
Dhoma e Tregtisë Kanadeze e quajti situatën "emergjente" për ekonominë e vendit, pasi bllokadat në shinat hekurudhore parandalojnë transportin e ushqimit, karburantit dhe mallrave të tjera të konsumit në të gjithë vendin dhe në shtetet veriore të Shteteve të Bashkuara.
Bllokadat e organizuara në pikat strategjike hekurudhore filluan më 6 shkurt në përgjigje të planit të qeverisë për të ndërtuar një tubacion me gaz natyror prej 5 miliardë dollarë që përshkon territorin e Wet'suwet'en pranë Houston, në British Columbia.
© SYRI.net