Një turist 80-vjeçar kinez i infektuar me koronavirus ka vdekur në Francë, vdekja e parë e shënuar në Evropë dhe e katërta jashtë Kinës, si rrjedhojë e një epidemi që ka mbyllur fabrikat kineze, frenuar udhëtimet dhe ndërpreu zinxhirët e furnizimit global.

Përhapja, që mendohet të ketë origjinën në një treg të kafshëve të egra në provincën qendrore kineze të Hubei, ka përballur Partinë Komuniste në pushtet të Kinës me sfidën e madhe për të ndaluar përhapjen e saj, ndërsa në të njëjtën kohë minimizuar dëmet për ekonominë e dytë më të madhe në botë, raporton Reuters.  

Shifrat e fundit publikuar nga Pekini të shtunën, treguan 66.492 raste të prekurish dhe 1.523 vdekje, kryesisht në Hubei.

Jashtë Kinës ka pasur rreth 500 raste në rreth 25 vende dhe territore, me katër vdekje - në Japoni, në Hong Kong-un e qeverisur nga kinezët, Filipine dhe Franca.

Në rastin francez, njeriu kinez vdiq në spitalin Bichat në Paris nga një infeksion i mushkërive për shkak të virusit të gripit, thanë autoritetet të shtunën.

"Ne duhet ta përgatisim sistemin tonë shëndetësor për t'u përballur me një përhapje të mundshme të pandemisë së virusit dhe për këtë arsye përhapjen e virusit në të gjithë Francën," tha Ministri i Shëndetësisë Agnes Buzyn.