Gjatë ditës së sotme, Qendrat e Kontrollit dhe Parandalimit të Sëmundjeve (CDC), njoftoi se një mashkull 30-vjeçar u shtrua në spital në Everett, pranë Seattle, me koronavirusin e ri kinez.

Me këtë njoftim konfirmohet rasti i parë në SHBA, vendi i fundit i prekur, pas Kinës, Japonisë, Koresë së Jugut, Tajlandës, Tajvanit dhe Australisë.

Mashkulli 30-vjeçar, identiteti i të cilit nuk bëhet i ditur, nuk kishte vizituar ndonjë nga tregjet ku janë shfaqur raste të shumta në Wuhan, në Kinë.

Sipas informacioneve, ai vetëm kishte udhëtuar në rajon, njoftoi Nancy Messonnier, drejtuesja e Qendrës së Sëmundjeve Respiratore të CDC, në një konference telefonike për shtyp.