Për vitin 2020, Komisioni Evropian miratoi një buxhet fillestar për ndihma humanitare , në një shumë prej 900 milionë euro.
Sipas raportimeve të komisionit, BE është donatori kryesor i ndihmës humanitare në botë dhe po ndihmon njerëzit në më shumë se 80 vende.
Një vend të rëndësishëm nga buxheti i përgjithshëm humanitar për këtë vit, zënë programet në Afrikë, ku BE do të ndajë 400 milionë euro.
Ndihma posaçërisht ka të bëjë me ata të prekur nga konflikti i gjatë në Republikën e Kongos, vendet e goditura nga uria e Afrikës Qendrore dhe shpërnguljet nga Sudani i Jugut, Afrika Qendrore dhe Çadi.
Për Lindjen e Mesme, BE do të ndajë 345 milionë euro nga buxheti humanitar për të adresuar krizën në Siri dhe Jemen.
BE gjithashtu caktoi 111 milionë euro për të vazhduar ndihmën ndaj të prekshmëve në krizën e Venezuelës, sipas Komisionit Evropian.
© SYRI.net