KUJDES: PAMJE SHQETESUESE

Publikohen pamjet e vrasjes së një prej femrave më të njohura në botën e trafikut të drogës në Meksikë. Maria Guadalupe Lopez Esquival njihej si La Katrina, shefe e një karteli droge dhe drejtuese e një ekipi vrasësish.

21-vjeçarja kishte sulmuar ushtrinë, policinë dhe gardën në qytetin e saj.

Në tetor të vitit të shkuar, grupi i saj hapi zjarr mbi policinë, duke shkaktuar një masakër të vërtetë. 13 efektivë policie humbën jetën.

Policia tha se arriti të arrestojë gjashtë persona që hapën zjarr, kurse një grua ndërroi jetë.

Identiteti i saj nuk u bë i ditur atëherë, por tashmë mësohet se ajo është La Katrina. Emri i saj vjen nga një figurë e përdorur gjatë Ditës së të Vdekurve në Meksikë.