Ai ka premtuar reformim të Bashkimit Europian dhe ka deklaruar se NATO është në vdekje klinike. Protestat janë bërë të zakonshme në shtëpinë e tij.

Megjithatë, gjermanët i besojnë atij më shumë se vetë... kancelares Angela Merkel.

Bëhet fjalë për presidentin e Francës, Emmanuel Macron.

Sipas gazetës BILD, një sondazh i institutit Kantar ka dalë në përfundime të pabesueshme.

Gjermanët besojnë më shumë te Macron se te Merkel.

57 përqind e të anketuarve thanë se besimi i tyre te Macron është shumë i madh. Vetëm 53 përqind thanë të njëjtën gjë për Merkel.

Kurse liderët e huaj më pak të pëlqyer në Gjermani janë Vladimir Putin, Boris Johnson, Recep Tayyip Erdogan dhe Donald Trump.